Pm FPO yojana 2022 | केंद्र सरकारच्या योजनेतून शेतकऱ्यांना मिळणार आहे 15 लाख रुपयांची मदत

PM Kisan FPO Yojana 2022

नमस्कार शेतकरी मित्रांनो केंद्र सरकारने शेतकऱ्यांना मदत देण्यासाठी पीएम किसान एफपीओ योजना सुरू केली आहे. या योजने मधून देशातील शेतकऱ्यांना 15 लाख रुपयांची आर्थिक मदत दिली जाणार आहे.

आज आपण या लेखाच्या माध्यमातून शेतकरी पीएम किसान एफपीओ योजने बद्दल सर्व महत्वाची माहिती घेणार आहोत त्यामुळे कृपया हा लेख शेवट पर्यंत वाचा.

काय आहे पिएम किसान एफपीओ योजना?

केंद्र सरकार असो किंवा राज्य सरकार शेतकऱ्यांच्या हितासाठी नेहमीच नवनवीन योजना राबवत असते जेणे करून शेतकऱ्यांची आर्थिक परिस्थिती सुधारावी, शेतकऱ्यांचे उत्पादन आणि उत्पन्न वाढावे, एकप्रकारे शेतकऱ्यांचा आर्थिक स्तर उंचावण्यासाठी या योजना राबवल्या जातात.

अशीच एक योजना केंद्र सरकारने सुरु केली जिला PM Kisan farmer producer organization (FPO) scheme असे नाव देण्यात आले आहे, काही दिवसां आधी पंत प्रधान श्री नरेंद्र मोदी यांनी या योजनेची घोषणा केली आहे, या योजनेत शेतकऱ्यांना 15 लाख रुपये मदत दिली जाणार आहे

योजनेचा मुख्य उद्देश

या योजनेचा मुख्य उद्देश हा शेतकऱ्यांना आत्मनिर्भर बनवणे त्यांच्या मालाला बाजार पेठेत योग्य भाव मिळवून देणे असून यासाठी या योजनेची सुरुवात करण्यात आलेली आहे, ज्यासाठी गावोगावी शेतकऱ्यांचे गट बनवले जात आहेत

पिएम किसान एफपीओ योजनेचे लाभ

या योजनेचा लाभ घेणाऱ्या शेतकऱ्यांना शेती औजारे, खते, बियाणे खरेदी करण्यासाठी मदत केली जाते, जे शेतकरी शेतीमाल प्रक्रिया केंद्र उभा करु इच्छीतात, शेतीमाल साठवण्यासाठी गोदाम बांधू इच्छीतात त्यांना सुद्धा मदत केली जाते

तसेच नवीन शेती व्यवसाय सुरू करण्यासाठी सरकार देशभरातील शेतकरी बंधू-भगिनींना मदत करण्यासाठी योजना राबवली जात आहे. ही एफपीओ योजना शेतकऱ्यांसाठी फायदेशीर ठरणार आहे.

कुणाला मिळेल फायदा

पीएम किसान योजनेत अर्ज करण्यासाठी, अर्जदाराने त्याची विहित पात्रता पूर्ण करणे आवश्यक आहे, ज्याची माहिती खालीलप्रमाणे आहे.

  • पीएम किसान शेतकरी उत्पादक संस्था योजनेत, अर्जदार शेतकरी हे भारताचे रहिवासी असावेत.
  • अर्जदार शेतकऱ्याकडे स्वतःची लागवडयोग्य जमीन असणे आवश्यक आहे.
  • FPO (शेतकरी उत्पादक संघटना) मध्ये मैदानी भागात किमान 300 सदस्य आणि डोंगराळ भागात 100 सदस्य असावेत.
  • योजनेत अर्ज करण्यासाठी अर्जदाराकडे सर्व महत्त्वाची कागदपत्रे असणे आवश्यक आहे.
  • पीएम किसान एफपीओ योजनेची आवश्यक कागदपत्रे
    प्रधानमंत्री किसान एफपीओ योजनेत अर्ज करण्यासाठी, अर्जदाराकडे सर्व महत्त्वाची कागदपत्रे असणे आवश्यक आहे, संपूर्ण कागदपत्रांशिवाय योजनेतील अर्जाची प्रक्रिया पूर्ण होणार नाही, त्याची माहिती खालीलप्रमाणे आहे.

आवश्यक कागदपत्रे

  1. अर्जदाराचे आधार कार्ड
  2. शिधापत्रिका
  3. पत्त्याचा पुरावा
  4. उत्पन्न प्रमाणपत्र
  5. जमिनीची कागदपत्रे
  6. मोबाईल नंबर
  7. बँक पासबुक
  8. पासपोर्ट आकाराचा फोटो

15 लाख कसे मिळवायचे

सरकारने सुरू केली प्रधानमंत्री किसान एफपीओ योजना! या योजनेंतर्गत शेतकरी उत्पादक संघटनेला 15 लाख रुपये दिले जातील. देशभरातील सर्व शेतकरी बंधू भगिनींना नवीन शेतीविषयक व्यवसाय करण्यासाठी दिले जात आहे. या योजनेचा (पीएम किसान एफपीओ योजना) लाभ घेण्यासाठी 11 शेतकऱ्यांना एकत्र एक संस्था किंवा कंपनी स्थापन करावी लागेल! यामुळे शेतकऱ्यांना कृषी उपकरणे किंवा खते, बियाणे किंवा औषधे खरेदी करणेही सोपे होईल.

असा करा अर्ज PM Kisan FPO Yojana apply online

१) प्रथम राष्ट्रीय कृषी बाजाराच्या अधिकृत वेबसाईट ला भेट द्या.

२) वेबसाईटला भेट दिल्यानंतर तुम्हाला वेबसाईट चा मुख्य पृष्ठ दिसेल

३) होम पेजवर, FPO (शेतकरी उत्पादक संघटना) पर्यायावर क्लिक करा.

४) आता ‘Registration’ या पर्यायावर क्लिक करा.

त्यानंतर पीएम किसान एफपीओ योजनेचा नोंदणी फॉर्म तुमच्यासमोर उघडेल.

५) आता फॉर्ममध्ये विचारलेली माहिती भरा!

६) आता शेतकरी सबमिट पर्यायावर क्लिक करा! अशा प्रकारे तुम्ही या योजनेत ऑनलाइन अर्ज करू शकता.

केंद्र शासन राबवत असलेल्या अनेक योजनांपैकी प्रधानमंत्री किसान एफपीओ योजना हि एक महत्वाची योजना असून शेतकऱ्यांना थेट लाभ देण्यासाठी सुरू करण्यात आली आहे. किसान एफपीओ योजनेंतर्गत शेतकऱ्यांना तीन वर्षांत हप्त्याने पैसे दिले जातील. सन 2024 पर्यंत शेतकरी उत्पादक संघटनेसाठी सरकार 6885 कोटी रुपये खर्च करणार आहे.

 

 

Leave a Comment

error: वेबसाईट वरील मजकूर कॉपी करू नये